What A Fellowship, What A Joy Divine/

Leaning On the Everlasting Arms

(Thuhilhkikna 33:27)

Elisha A. Hoffman (1839-1929) Anthony Johnson Showalter (1858-1924)

Hih la-aw a phuakpa Professor Anthony Johnson Showalter in a khan sungin la-aw ngaih tampi phuak hi. La ngaih tampi kaikhawmin khenkhia hi. Tua banah Rockingham County, Virginia a lasak sinna sangah sangsia zong sem lai hi. George Frederick Root leh Chicago-a mi minthang dang pawlkhatte’ khut nuai-a khangkhia khat ahi hi. France, England leh Germany gamte ah zong music sin lai hi. Zan khat, tawlkhat sung a taamna Hartselle, Alabama ah a ciah ciangin nidanga South Carolina-a a sangnaupang ngei nihte’ laikhak in na dawntuah hi. Tua laikhakte sungah a sangnaupang ngeite in a innsung tuahsiatna uh ko uh hi. A ni kibang lianin a zite un sihsan-a a dah luatna uh a siapa ko uh hi. Tua laikhakte thukkik pah a, a thuhkikna ah Thuhilhkikna 33:27 a Moses in Israel mite a thuphapiakna kammalte tawh hehnem hi. Tua lai-ah, “A tawntung Pasian na bukna uh hi-in, note hong huh dingin tawntung bante a om hi” ci-in kigelh hi.

Tua a sangnaupang luite bangmah-a gimna a thuak mi tampitak om ding cih ngaihsun-in tua kammalte tawh kisakhawm ding a sakkkik ding khat a phuah khit ciangin Lebanon, Pennsylvania a om laphuaksiam Elisha Albright Hoffman tungah khak hi. Evangelical Association-a minister khat ahi Hoffman in tua la taang thum phuakin Showalter khakkik hi. Showalter in Leaning on the Everlasting Arms aw tawh bulh-in la dawng khat hong piangkhia hi.

Hih lamal phuakpa Hoffman bel America gam Orwigsburg, Pennsylvania ah May 7, 1839 ni-a suak ahi hi. Evangelical leh Presbyterian pawlpi tam simsim ah pastor sem hi. Kum 11 sung Cleveland, Ohio a om Evangelical Association Publishing House ah zong sem hi. Music lam ah kipattahna kician a neih loh hangin la dawng 2,000 bang phuak hi. A la phuahte, a mal leh a aw, a nih-in phuakkhawm denzaw hi.

Hih la “Tawntung Ang Sungah Kei Khawl Ta Ing” (Leaning on the Everlasing Arms) banah, “Tuuno Si Tawh Na Kisawp Nai Hiam?”(Are You Washed in the Blood), “Is Your All on the Altar?,” “What a Wondeful Savior,” “Glory to His Name” cih late zong ama’ phuah ahi hi.

Print Friendly, PDF & Email
Please follow and like us:

Added by

SHARE