LYRIC

‪#‎V1‬ Migilo te bawlsiat thuak in sisan naisan tawh kidim in
Huh ding neilo mipa khat lampi ah om.
Siampi lian pa’n hong muh ciangin lam nawltawn in hong paisan a,
Levi mi pa’n zong don loin pai san hi.

‪#‎V2‬ Sanggam aw lungngai kik dih in,
simmawh bawlsiatna te thuakin huh ding neilo lampi ah na puk hun ciang.
Na muan te’n hong kimuh mawh bawl na lamet te’n hong taisan zong,
nang hong taisan lo hong nusia lo khat om.

‪#‎Cho‬ Tua in hong it Zeisu hi.
Sun leh zan in hong kem a,
I phawk khak loh hun ciang zong hong nusia lo.
Lampi ah bawlsiat thuak in liam leh bai in i puk ciang
Aman hong phong in a liangko tung hong pua hi.

#‎V3‬ Na ih mut sung kal na ngawnin vantung mite’n hong cing ding a,
na khanlawh ciang zong na pai na’ng hong hilh ding.
Gimin tawlin na bah hun ciang muvanlai tha hong guan ding a,
dahna meipi te hong kantan pih ding hi.

‪#‎V4‬ Na nat ciang hong dam sak ding a,
na dah ciang heh hong nem ding a,
na zawnkhal hun ciang hong tha khuak sak ding a,
Na lungkhamna kuampi khempeuh lametna kong pi suaksak in
Na galte mai ah gualzawh na hong pia ding.

#‎Ending‬ Lampi ah bawlsiat thuak in liam leh bai in i puk ciang
Aman hong phong in a liangko tung hong pua hi.
Intro V1 V2 Cho V3 Cho Solo V4 Cho V4 Cho Cho Ending

 

Print Friendly, PDF & Email
Please follow and like us:

Added by

Zomi Lyrics

SHARE

VIDEO

Copyright © https://ZomiLyrics.com