LYRIC

Simleitung ah mim bang in, ka piankhiat ma na ngawn pa’n
Hong vil hong kem hong en a, ka nu sung pa’n nong la khia
Tua a ki pan tuni dong, ka nuntakna khem peuh ah
Thupha tampi sang in nong khang cing sak hi.

Nisim ka nuntakna na minthanna hi sak in
Itna dik tak lung nemna hong pia in
Ka khut ka khete leh ka mit ka bil hong cing in
Khial loding in ka kam ka muk hong uk in.

Gentheih haksatna tampi, lungzuanna kahna thuak in
Lamet bei ngimna bei in, lungkia in ka kawi vak a
Hih hang Topa in kei tawh, tawntung nong om khawm den a
Haksatna khem peuh tung nong gual zawh pih hi.

Ka neulai a ki pan in, nong itna thu ka lung sung ah
Ann bang in nong muam khin a, khai ci bang nong tuh khin hi
Nong hilh bang leh na deih bang, in ka nuntak theih nang in
Kong thum hong za in, ka nunna hong puah pha in.

Print Friendly, PDF & Email

Added by

Zomi Lyrics

SHARE

Comments are off this post

Copyright © https://ZomiLyrics.com