TheisaknaLaisiangtho munte pen Galhiam Labu sung pan a ki la hi in, Laisiangtho version pen bible.com a Tedim Bible pan hi. Labu sung a a laimal tawh ki banglo  thei ding a,ahih hang a khiatna a kibang mah hi. 

1.”Zi pi unla tanu tapa nei un. Na tapate a’ ding mo la unla, na tanute uh mo kha un; tua hileh amau in zong tanu tapa hong nei ding uh hi. Kiam kei unla, pungzaw un.”-‭‭JEREMIAH‬ ‭29:6‬‬

2. “Mi khempeuh in nupa thu thupi ngaihsut uh hen la, zite pen pasalte tungah citakin, pasalte zong a zite uh tungah citak uh hen. Pasian in a thangtat mite le nulepa mawhna a gamta mite tungah thu khen ding hi.” -‭‭HEBRU‬ ‭13:4‬‬

3. “Tua ahih manin amaute nih hi nawn loin khat ahi ta uh hi. Tua ahih manin Pasian in a gawmsa mite, kuamah in khen kei ta hen,” ci-in a dawng hi.” -‭‭MATTHAI‬ ‭19:6‬‬

4. “Tua thu hangin pasal in a nu le a pa nusia-in a zi tawh kigawm a, amau tegel pum khat a bang uh hi.” -‭‭PIANCILNA‬ ‭2:24‬‬

5. “Inn le neihsate pen pate’ tung panin a kiluah hi a, zi pil ahihleh Topa bek in hong pia thei hi.”-‭‭PAUNAK‬ ‭19:14‬‬

6. “Zi hoih pen a pasal’ minthanna le lungdamna hi a, a pasal a maizumsak zi pen a pasal a dingin a dam thei lo guhnatna tawh kibang hi.” -‭‭PAUNAK‬ ‭12:4‬‬

7. “Tua ciangin Topa Pasian in, “Mipa amah guak a om ding hoih lo hi. Ama a’ ding a kituak a huh ding ka bawlsak ding hi,” ci hi.”-‭‭PIANCILNA‬ ‭2:18‬‬

8. “Zite aw, Topa’ thu na man’ uh mah bangin na pasalte uh thu na mang un.” -‭‭EFESA‬ ‭5:22‬‬

9. “Tua ahih ciangin na zi tawh lungkim inla, na tenpih numei tawh lungdam in.”A it-huai a ngaihbaangin ngaihsun tawntung inla, ama ngaihbaanna tawh lungdamin, ama hong itna tawh lungkim in.” -‭‭PAUNAK‬ ‭5:18-19‬‬

10. “Zi a muzote na hoih a mu hi a, Topa’ maipha a ngah ahi hi.” -‭‭PAUNAK‬ ‭18:22‬‬

11. “Pasian in na zite uh tawh pumkhat, lungsim khat ahi dingin hong bawl hi lo ahi hiam? Hih bangin a hong bawlna pen bang a deihna ahi hiam? Pasian’ mi taktak ahi ding tate i neih theih nading ahi hi. Tua ahih manin na khangno lai-un na tenpih na zi uh tawh na thuciamna uh na palsatkhak loh nadingun kidawm un.”-‭‭MALAKHI‬ ‭2:15‬‬

12.”Tua mah bangin zite aw, na pasalte uh Pasian thu um lo ahihkhak leh na gamtatna hangun Pasian thu a uptheih nadingun na pasalte uh thu na mang un. Kampau kul sese loin,na gamtat hoihna uh a muh uh ciangin Pasian thu hong um ding uh hi. “Na hoih nadingun puatham kizepna ahi sambawlna, kham le suangmanpha tawh kizepna, puan hoihnono silhnate na bulphuh kei unla, “Pasian’ muhna-ah a manpha mahmah ahi lungsim puakzia, a tul thei lo sunglam hoihna na bulphuh zaw un. A beisa hunah Pasian muangin thu um numeite in a pasalte uh thu mangin, tu-a bang danin a hoih nadingun a kibawl uh hi. Sarah zong tu-a bangmahin gamta a, a pasal Abraham’ thu mangin, “Topa aw,” a ci hi. Note zong a hoihin gamta-in, bangmah launa nei loin na om nak-uhleh tu-in Sarah’ tanute na hita uh hi.” -‭‭ PETER MASA‬ ‭3:1-6‬‬

13. “amaute sangin a nauzaw nupite in a pasalte uh le a tate uh a it nadingun a hilh ding, “thu ngaihsun thei, a gamtat siangtho, inn nasep a kizen, a migi, le a pasalte uh thu a mang thei mi ahih nadingun na gen in.”-‭‭TITUS‬ ‭2:4-5‬

14. “Zite aw, Khristiante gamtat dingin a kilawm ahih mah bangin na pasalte uh thu na mang un. Pasalte aw, na zite uh it unla, amaute tungah ngongtat kei un.” -‭‭KOLOSE‬ ‭3:18-19‬‬

15. “Tua mah bangin pasalte in zong amau pumpi zah mah bangin a zite uh a it ding uh ahi hi. A zi a it mi pen amah a ki-it mi ahi hi.” -‭‭EFESA‬ ‭5:28‬‬

Print Friendly, PDF & Email
Please follow and like us:

Added by

SHARE