In the Garden

(John 20)

C. Austin Miles (1868-1946) C. Austin Miles (1868-1946)

1912 kumin music publisher Dr. Adam Geibel in C. Austin Mile’ tung pan lamal dawng khat ngen hi. A aw-suah mahmah nem ngiingeii a, a taang a gual khempeuh ah hehpihna dim-in, lam-etna a nei lo mite lam-etna pia a, a gim mite tawldamna a pia ding la khat a phuah nadingin ngen hi.

Hih la phuakpa C. Austin Miles pen manzaih (photography) a uk mahmah khat ahi hi. Sum a hauh loh hangin sum kholkhol a, a tawpna ah khuamial khan (inndei) khat nei zo sam-a, mi’ zatlui van pawlkhat zong lei zo hi. Tua ahih manin sum tampi bei khol lo-in a uk mahmah man zaihzaih-a tua mante ama’ inndei sungah sawp thei hi. La zong phuak thei zel-a, la a phuah ma-in Laisiangtho sim dena, a Laisiangtho simna tungtawn-in ngaihsutna hoih nono ngah den hi. A zaihsa mante a sawpna inndei mial sungah a tuam vilvel-in Laisiangtho sim nading meivak khat bawl-a, a man sawpte a ngak kawmin Laisiangtho sim den hi. “Suangtang khat tawh vasa nih a man” bangin kingaihsun hi – ama’ ukna lah semkawm thei-in Gospel la phuah nading ngaihsutna hoih lah ngah hi.

1912 kum March kha sung ni khat, a manzaihna vanteng leh a organ koihna a mial bikbek inndei sung khat-ah tu hi. Aman sawpte a ngak kawmin a hih ngei mahbangin a Laisiangtho la-in sim hi. John 20 sung sim hi. Thawhkik ni zingsanga i Topa leh Mary kimuhna thu sim hi.

Tua Laisiangtho mun a sim kawmkawmin a pumpi mahmah-a tua huan sunga om tawh kibangin i Topa leh Mary kimuhna leh kihonate a mit mahmah-a mu tawh kibang hi. A gamtatna khempeuh uh mu-in, i Topa kimlaii huancingpa sa-a a hopihina Mary’ kammalte a bil-in za a, i Topa in, “Mary” ci a a sapna za-in, Topa’ aw a zak cianga Mary in “Rabboni” ci-a i Topa’ mai-a a khukdinnate a mit-a mu bang lianin om hi.

Tua banga a sim Laisiangtho thu ah lunglut lua a, kiim leh paam phawk lo-a a omna panin thakhat-in khuaphawkvat hi. A khut sungah a Laisiangtho len tentan hi. Tua banga a om laitakin amah leh amah kingaihsun a, “Hih pen tuma kum 2,000 lai-a thupiang hi bekmawk lo-a nisima i Christian kalsuanna i cih nisim-a i Topa tawh kikholhkhopna hi mawk veh e” ci-in a thakin mu thei hi. A lungsim sungah tua banga ngaihsutna a sat lai mah in hih lamalte gelhkhia mengmenga a nitak ciangin a la-aw ding phuak hi. Billy Sunday in cialpi a bawlna khempeuh ah la makai Homer Rodeheaver in hih la sa dena “Gamlapi Mual Tungah” cih la zoma kideihpen hi den hi.

Ama’n hong tonpih, Ama’n hong hopih,
Kei’ a hi teh, Ama’n hong ci;
Ka omkhawm uh ciang O!tua nuamna lian,
Kuama’n ciam kha ngei lo hi.

Print Friendly, PDF & Email
Please follow and like us:

Added by

SHARE